Ciidamada Ethiopia
oo Soomaaliya sii joogaya, Maxaa is-beddelay?
Wasiirka warfaafinta xukuumadda Soomaaliya Cabdulaahi
Ciilmooge Xirsi oo ka mid ah wafdiga ra’iisal wasaaraha ee ku sugan Kismaayo
ayaa VOA, u sheegay in dowladdaha Soomaaliya iyo Ethiopia ku heshiiyeen in
askarta xukuumadda Addis Ababa ee ku sugan Soomaaliya sii joogaan.
Wasiirka ma sheegin muddada ay sii joogi doonaan, laakin
wuxuu daaha ka qaaday in ay socdaan qorshayaal ciidamada Soomaalida la doonayo
in lagu wareejiyo meelaha ay joogaan ciidamada Ethiopia ee ku sugan dalka.
Hadalka wasiirka ayaa ku soo aadaya iyadoo dhawaan
dowladda Ethiopia ay shaacisay in ay ciidankeeda kala baxeyso dalka Soomaaliya,
waxaana meelaha ay baneeyeen ka mid ahaa askarta Ethiopia degmada Xuddur ee
xarunta gobalka Bakool.
Dowladda Ethiopia ilaa hadda si rasmi ah uma shaacin
sababta ku kaliftay in ay askarteeda kala baxdo Soomaaliya, laakin dadka
odorasa arrimaha siyaasadda gobalka, waxa ay lee yihiin Ethiopia waxa ay ku
guul dareesatay in askarteeda ku sugan gudaha Somaaliya dhaqaale siiyaan beesha
caalamka.
Waxaa kaloo jirra warar sheegaya in ciidamada Ethiopia in
ay ka xumaadeen isbadalka lagu sameeyay maamulkii gobalka Baay iyo magaalada
Baydhabo, iyo isbadal la rabay in lagu sameeyo gobalka Bakool.
No comments:
Post a Comment