7-Qof Oo Masjid Gudihiis Lagu Dilay Libooye Oo Ku Taal Xadka Soomaaliya Iyo Kenya U Dhaxeeya

Written by Administrator

Thursday, 21 February 2013 18:33

Wararka deg daga ah ee naga soo gaadhaya gobolka Waqooyi Bari Kenya ayaa xaqiijinaya in ugu yaraan 7 ruux ay geeriyoodeen kadib markii rag hubeysan ay rasaas ku fureen dad kujiray Masjid kuyaala tuulada Maleele ee degmada Libooye ee ku taal xadka Kenya iyo Somalia. Dad goob joogayaal ah ayaa Booliska u sheegay in 8 dableey ah oo ku hubeysan qoriga AK47 ay salaadii subax ee saaka gudaha ugaleen masjid kuyaala tuulada Maleele oo qiyaastii 25 km ujirta xeryaha qaxootiga ee Dhaadhaab.Dableeydan ayaa rasaas ooda kaga qaaday dadkii ku cibaadeysanayay masjidka iyagoo halkaa ku dilay 5 rag ah kadibna banaanka masjidka kudilay 2 dumar ah. Booliska ayaa xaqiijiyay dhimashada todobadan ruux.Boolisku wuxuu sheegay in wali aan la xaqiijin karin ujeedada weerarakan inuu yahay mid la xidhiidha fal argagixiso Dableeydii weerarka geysatay ayaa sidoo kale guryo ka ag dhowaa masjidka gubay ka hor intii aysan goobta ka baxsanin. Gudoomiyaha degmada Gaarisa Maxamed Macalin ayaa xaqiijiyay weerarka ka dhacay deegaanka Libooye isagoo sheegay in ciidan loo diray goobta dhibku ka dhacay. Shacabkamedia-Beyra-Puntland Runta Kama-Xıshoono Email:Shacabkamedia@live.com